Klienti: Hotel ndërkombëtar luksoz
Viti i Zbatimit: 2023
Vendndodhja: Qendër urbane, Tiranë
Sfidat
Ndërtimi I sistemeve të një hoteli luksoz për klientelë ndërkombëtare përfshinte integrimin e disa sistemeve teknologjike kritike në një afat të ngjeshur dhe në një ambient pune shumëdisiplinor. Sfidat kryesore ishin:
- Volumi i lartë i punimeve dhe nevoja për sinkronizim të vazhdueshëm midis grupeve të ndryshme të ndërtimit dhe instalimeve;
- Integrimi pa ndërprerje i sistemeve të ndryshme – siguri, hoteleri, akses, IT – në një platformë funksionale dhe të qëndrueshme;
- Kërkesa për zbatim në standarde të larta estetike dhe teknike, tipike për një strukturë mikpritjeje luksoze;
- Trajnimi i stafit të hotelit, për përdorim efikas dhe mirëmbajtje afatgjatë të pajisjeve dhe sistemeve.
Zgjidhja nga Albascan
Albascan projektoi dhe realizoi një zgjidhje të integruar për të përmbushur nevojat e klientit, duke përfshirë:
- Instalimin e sistemit të sigurisë kundër zjarrit, me detektim të hershëm, alarmim audio/vizual dhe sinjalistikë emergjente;
- Implementimin e sistemit të parkimit me trarë automatikë, kontrolle aksesi dhe sinjalistikë (semaforë e sensorë loop);
- Zgjidhje për sistemet hotelerike, për menaxhimin e dhomave, ndriçimit, temperaturës dhe energjisë në mënyrë inteligjente;
- Sistem CCTV dhe akses elektronik, për sigurinë e ambienteve të përbashkëta dhe zonave të kufizuara;
- Ndërtim të rrjetit IT dhe infrastrukturës elektrike, duke përfshirë WiFi të shpejtë, rrjet LAN, kabllim strukturore dhe zgjidhje për energji rezervë;
- Trajnim i dedikuar për stafin, me manuale teknike dhe sesione praktike, për garantimin e operimit të sigurt dhe të qëndrueshëm.
Rezultatet
- Integrim i suksesshëm i të gjitha sistemeve, me koordinim të plotë në të gjitha fazat e ndërtimit;
- Zhvillim i një ambienti mikpritës të teknologjizuar, që plotëson kërkesat moderne të klientelës luksoze;
- Reduktim i rrezikut operacional përmes sistemeve të sigurisë dhe kontrollit të aksesit;
- Ekipi i hotelit i trajnuar plotësisht, për menaxhimin e teknologjive të instaluara dhe ndërhyrje të shpejta në rast nevoje.
