Klienti: Operator privat parkimi me infrastrukturë të dedikuar për banorë dhe përdorues të rastësishëm
Viti i Zbatimit: 2023
Vendndodhja: Zonë urbane me densitet të lartë, Shqipëri

Sfidat

Objektivi ishte krijimi i një sistemi të plotë, të automatizuar për kontrollin, pagesën dhe administrimin e hyrje-daljeve në një parkim të mbyllur me pagesë, përballë sfidave si:

• Fluks i përditshëm mjetesh me përdorues të ndryshëm: banorë me abonime, klientë të rastësishëm, dhe biznese lokale;
• Kërkesa për pagesa të automatizuara dhe të fiskalizuara, sipas legjislacionit në fuqi;
• Nevoja për gjurmueshmëri financiare dhe teknike në çdo hyrje/dalje të mjetit dhe pagesë të realizuar;
• Ndërlidhje me sistemin e targave, për eliminimin e ndërhyrjes njerëzore dhe rritjen e efikasitetit;
• Menaxhim fleksibël për abonime mujore, ditore dhe orare, për kategori të ndryshme përdoruesish.

Zgjidhja nga Albascan

Albascan projektoi dhe instaloi një sistem të plotë të menaxhimit të parkimit, që përfshinte:

• Kamera ANPR (Automatic Number Plate Recognition) për regjistrimin automatik të targave në hyrje/dalje;
• Trarë automatikë të sinkronizuar me listat e autorizuara dhe statusin e pagesës (abonim aktiv ose pagesë e përfunduar);
• Terminale pagese me kartë bankare dhe cash, me printer për kupon tatimor të fiskalizuar sipas rregullave të Tatimeve;
• Zhvillim dhe implementim të një platforme software për:
  • Administrim të abonimeve (banorë, biznese, institucione);
  • Lëshim automatik të raporteve financiare ditore/mujore, me ndarje sipas tipeve të përdoruesve;
  • Monitorim në kohë reale të mjediseve dhe statistikave hyrje-dalje;
• Integrim me sistemin e fiskalizimit të pajisjeve elektronike, në përputhje të plotë me legjislacionin tatimor;
• Trajnim i stafit teknik për mirëmbajtje dhe ndërhyrje në raste operacionale ose pyetje nga klientët.

Rezultatet

• Automatizim i plotë i procesit të hyrje/daljes dhe pagesës, me shpejtësi, pa ndërhyrje njerëzore dhe me gjurmim të çdo veprimi;
• Pagesa të fiskalizuara dhe të raportuara, në përputhje me ligjin shqiptar për pajisje fiskale elektronike;
• Menaxhim i thjeshtuar për abonentët, përmes panelit të dedikuar për banorë dhe bizneset që përdorin vendet e parkimit rregullisht;
• Rritje e të ardhurave dhe transparencë e plotë financiare, me raportim të ndarë sipas burimit të të ardhurës;
• Model i shkallëzueshëm për parkime të tjera të ngjashme në pronësi private apo institucionale.